Enunciados redox

Problema 801:

Di cal é o número de oxidación dos elementos que forman os compostos:
P₄O₁₀, LiH, ICl₅, NF₃, SO₃²⁻, C₂O₄²⁻, Cr₂O₇²⁻, MnO₄⁻

Problema 802:

Di cal é o axente oxidante e cal o axente redutor nas seguintes reaccións:
Zn + Cl₂ → ZnCl₂
CuO + H₂ → Cu + H₂O
NO + 1/2 O₂ → NO₂
2 Na + 2 H₂O → NaOH + H₂
2 KClO₃ → 2KCl + 3O₂
4 NH₃ + 3 O₂ → 2 N₂ + 6 H₂O
2 FeCl₂ + Cl₂ → 2 FeCl₃
2 AgNO₃ + Cu → Cu(NO₃)₂ + 2 Ag

Problema 803:

Di cal é o axente oxidante e cal o axente redutor nas seguintes reaccións, e di tamén que elemento se oxida e que elemento se reduce:
a) Na₂SO₄ + C → CO₂ + Na₂S
b) HCl + K₂Cr₂O₇ → Cl₂ + CrCl₃ + KCl
c) KMnO₄ + HCl → Cl₂ + MnCl₂ + KCl
d) H₂O₂ + HI → I₂ + H₂O

Problema 810:

Axusta as seguintes reaccións iónicas redox, no medio que se indica:
a) Cr₂O₇²⁻ + SO₃²⁻ → Cr³⁺ + SO₄²⁻ (en medio ácido)
b) Cr₂O₇²⁻ + C₂O₄²⁻ → Cr³⁺ + CO₂ (en medio ácido)
c) Cr₂O₇²⁻ + AsO₃³⁻ → Cr³⁺ + AsO₄³⁻ (en medio ácido)
d) N₂O₄ + Br⁻ → NO₂⁻ + BrO₃⁻ (en medio básico)
e) As + BrO⁻ → AsO₄³⁻ + Br⁻ (en medio básico)

Problema 811:

Axusta as seguintes reaccións moleculares redox, no medio que se indica:
a) Na₂SO₄ + C → CO₂ + Na₂S (en medio ácido)
b) HCl + K₂Cr₂O₇ → Cl₂ + CrCl₃ + KCl (en medio ácido)
c) KMnO₄ + HCl → Cl₂ + MnCl₂ + KCl (en medio ácido)
d) KMnO₄ + FeSO₄ + H₂SO₄ → MnSO₄ + Fe₂(SO₄)₃ + K₂SO₄ (en medio ácido)
e) H₂O₂ + HI → I₂ + H₂O (en medio ácido)
f) K₂Cr₂O₇ + FeSO₄ + H₂SO₄ → Cr₂(SO₄)₃ + Fe₂(SO₄)₃ + H₂O + K₂SO₄ (en medio ácido)
g) KMnO₄ + H₂O₂ + H₂SO₄ → MnSO₄ + O₂ + K₂SO₄ + H₂O (en medio ácido)
h) KMnO₄ + KNO₂ +H₂O → MnO₂ + KNO₃ + KOH (en medio básico)
i) Cr(OH)₃ + KIO₃ → KI + K₂CrO₄ (en medio básico)
j) KI + KClO₃ → I₂ + KCl + KOH (en medio básico)

Problema 812:

O dicromato de potasio, K₂Cr₂O₇, en medio ácido, oxida os ións cloruro ata cloro, reducíndose a un sal de cromo(III).
a) Escribe e axusta polo método de ión-electrón a ecuación iónica correspondente.
b) Cantos litros de cloro, medidos a 25ºC e 1,2 atm (121,6 kPa), pódense obter se 100 mL de disolución de K₂Cr₂O₇0,03 M reaccionan cun exceso de cloruro de potasio en medio ácido? (PAU-Xuño-2010)

Problema 813:

a) Axusta a seguinte reacción polo método de ión electrón:
KMnO_4(aq) + KCl_(aq) + H₂SO_4(aq) → MnSO_4(aq) + K₂SO_4(aq) +Cl_2(g) + H₂O_(l)
b) Calcula os gramos de permanganato de potasio necesarios para obter 200 g de sulfato de manganeso(II), se o rendemento da reacción é do 65,0 %. (PAU-Set-2010)

Problema 814:

O estaño metálico reacciona co ácido nítrico concentrado e forma óxido de estaño(IV), dióxido de nitróxeno e auga.
a) Axusta a reacción que ten lugar polo método de ión-electrón.
b) Calcula o volume dunha disolución de ácido nítrico do 16,0% en masa e densidade 1,09 g·mL⁻¹, que reaccionará con 2,00 g de estaño. (PAU-Xuño-2012)

Problema 815:

a) Empregando o método do ión electrón axusta a ecuación química que corresponde á seguinte reacción redox:
KClO_3(s) + SbCl_3(s) + HCl_(aq) → SbCl_5(s) + KCl_(s) +H₂O_(l)
b) Calcula os gramos de KClO₃que se necesitan para obter 200 g de SbCl₅, se o rendemento da reacción é do 50%. (PAU-Set-2013)

Problema 816:

No laboratorio pódese preparar cloro gas facendo reaccionar permanganato de potasio sólido con ácido clorhídrico concentrado.
a) No transcurso desta reacción redox fórmase cloro, cloruro de manganeso(II), cloruro de potasio e auga. Escribe e axusta a reacción molecular mediante o método do ión-electrón.
b) Calcula o volume de cloro gas, a 20ºC e 1 atm (101,3 kPa), que se obtén ao facer reaccionar 10 mL de ácido clorhídrico concentrado do 35,2 % en masa e densidade 1,175 g·mL⁻¹ cun exceso de permanganato de potasio. (PAU-Xuño-2014)

Problema 817:

Dada a seguinte reacción: Cu_(s) + HNO_3(aq) → Cu(NO₃)_2(aq) + NO_(g) + H₂O_(l)
a) Escribe e axusta polo método de ión-electrón a ecuación molecular, indicando as semirreacciones correspondentes.
b) Calcula o volume de NO medido en condicións normais que se desprenderá por cada 100 g de cobre que reaccionan se o rendemento do proceso é do 80%. (PAU-Xuño-2015)

Problema 818:

O cloro gaseoso obtense pola oxidación do HCl con HNO₃ producíndose ademais NO₂ e H₂O.
a) Axusta a reacción molecular polo método de ión-electrón.
b) Calcula o volume de cloro obtido, a 25ºC e 1 atm (101,3 kPa), cando reaccionan 500 mL dunha disolución acuosa 2 M de HCl con HNO₃ en exceso, se o rendemento da reacción é do 80 %. (PAU-Set-2015)

Problema 819:

En medio ácido sulfúrico, H₂SO₄, o aluminio reacciona cunha disolución acuosa de dicromato de potasio, K₂Cr₂O₇, formándose óxido de aluminio, Al₂O₃ e Cr³⁺_(aq) entre outros produtos.
a) Axuste a ecuación iónica polo método de ión-electrón.
b) Calcula o volume de disolución acuosa de dicromato de potasio de densidade 1,124 g·mL⁻¹ e do 15% en masa, que se necesita para oxidar 0,50 kg de aluminio. (PAU-Set-2016)

Problema 820:

a) Empregando o método de ión-electrón, axusta as ecuacións iónica e molecular que corresponden á seguinte reacción redox:
H₂SO_{4 (aq)} + KBr_(aq) → K₂SO_{4
(s)} + Br_{2 (l)} + SO_{2 (g)} +H₂O_(l)
b) Calcula o volume de bromo líquido (densidade 2,92 g·mL⁻¹) que se obterá ao tratar 90,1 g de bromuro de potasio coa cantidade suficiente de ácido sulfúrico. (ABAU-Xuño-2017)

Problema 821:

O cobre metálico reacciona con ácido nítrico concentrado formando dióxido de nitróxeno, nitrato de cobre(II) e auga.
a) Axusta a reacción iónica e molecular polo método de ión-electrón.
b) Calcula o volume dunha disolución de ácido nítrico comercial do 25,0% en masa e densidade 1,15 g·mL⁻¹ que reaccionará con 5,0 g dun mineral que ten un 10% de cobre. (ABAU-Xuño-2018)

Problema 822:

O sulfuro de cobre(II) sólido reacciona co ácido nítrico diluído producindo xofre sólido (S), NO, Cu(NO₃)₂ e auga.
a) Axusta as reaccións iónica e molecular polo método de ión-electrón.
b) Calcula os moles de NO que se producen ao reaccionar de forma completa 430,3 g de CuS. (ABAU-Set-2018)

Problema 823:

100 g de NaBr trátanse con ácido nítrico concentrado de densidade 1,39 g/mL e riqueza 70% en masa, ata reacción completa. Sabendo que os produtos da reacción son Br₂, NO₂, NaNO₃ e auga:
a) Axusta as semirreacciones que teñen lugar polo método do ión-electrón, así como a reacción iónica e a molecular.
b) Calcula o volume de ácido nítrico consumido. (ABAU-Xullo-2019)

Problema 824:

Dada a reacción redox:
SO_{2 (g)}+ KMnO_{4 (ac)} + H₂O_(l) → K₂SO_{4 (ac)} + MnSO_{4 (ac)} + H₂SO_{4
(ac)}
a) Axusta as ecuacións iónica e molecular polo método do ión-electrón.
b) Calcula o volume de SO2, medido a 1,2 atm e 27 ºC que reacciona completamente con 500 mL dunha disolución 2,8 M de KMnO₄. (ABAU-Set-2020)

Problema 825:

Dada a seguinte reacción: H₂S + NaMnO₄ + HBr → S + NaBr + MnBr₃ + H₂O
1. Axusta a ecuación iónica polo método ión-electrón e escriba a ecuación molecular completa.
2. Calcule os gramos de NaMnO4 que reaccionarán con 32 g de H₂S; se se obtiveron 61,5 g de MnBr₃ calcule o rendemento da reacción. (ABAU-Xuño-2021)

Problema 826:

O dicromato de potasio (K₂Cr₂O₇) reacciona con sulfato de ferro(II), no medio ácido sulfúrico, dando sulfato de ferro(III), sulfato de cromo(III), sulfato de potasio e auga.
a) Axusta as ecuacións iónica e molecular polo método do ión-electrón.
b) Calcula os gramos de sulfato de cromo(III) que poderán obterse a partir de 5,0 g de K₂Cr₂O₇se o rendemento da reacción é do 60%. (ABAU-Xullo-2021)

Problema 827:

Dada a seguinte reacción:
HCl_(ac) + K₂Cr₂O_7(ac) + NaNO_2(ac) → NaNO_3(ac) + CrCl_3(ac) + KCl_(ac) + H₂O_(l)
1. Axuste as ecuacións iónica e molecular polo método do ión-electrón.
2. Calcule o volume de dicromato de potasio 2,0 M necesario para oxidar 20 g de nitrito de sodio.
(ABAU-Xuño-2023)

Problema 828:

Pola acción do ácido HCl de riqueza 36% en peso e densidade 1,19 g·mL⁻¹ , o óxido de manganeso(IV) transfórmase en cloruro de manganeso(II), obténdose ademais cloro gaseoso e auga.
1. Axuste as ecuacións iónica e molecular polo método do ión-electrón.
2. Calcule o volume de HCl que será necesario para obter 3 litros de cloro gaseoso a 25°C e 1 atm de presión. (ABAU-Xullo-2023)

Problema 830:

Calcula a concentración dunha disolución de oxalato de potasio, K₂C₂O₄, se se necesitan 25,4ml da mesma para alcanzar o punto final con 42,7ml dunha disolución ácida 0,080M de KMnO₄. A reacción sen axustar é:
MnO₄⁻ + C₂O₄²⁻ → Mn²⁺ + CO₂

Problema 831:

Que cantidade de Br₂ obterase na redución completa no medio ácido de 150ml dunha disolución 0,5M de dicromato de potasio, K₂Cr₂O₇, se ao reaccionar cunha disolución de KBr transfórmase nun sal de Cr(III)?

Problema 832:

PRÁCTICA: Na valoración no medio ácido de 20 ml de disolución de Fe²⁺ gástanse 13,5 ml dunha disolución de permanganato de potasio de concentración 0,15M.
a) Indica a reacción que ten lugar e calcula a concentración da disolución de Fe²⁺.
b) Detalla o material e procedemento necesarios para levar a cabo esta valoración no laboratorio.

Problema 833:

50 ml dunha disolución de dicromato de potasio, K₂Cr₂O₇, valóranse con 32,5ml de sulfito de potasio, K₂SO₃, 0,25M en presenza de ácido sulfúrico, H₂SO₄.
K₂Cr₂O₇ + K₂SO₃ + H₂SO₄ → Cr₂(SO₄)₃ + K₂SO₄ + H₂O
a) Axusta a ecuación molecular.
b) Calcula a concentración molar da disolución de dicromato.

Problema 834:

PRÁCTICA: Na valoración, en presenza de ácido sulfúrico, de 30 ml de disolución de FeSO₄ gástanse 18,5 ml dunha disolución de permanganato de potasio, KMnO₄, de concentración 0,50M. Obténdose como produtos os sulfatos de Mn²⁺, de Fe³⁺ e de K⁺.
a) Axusta a ecuación e calcula a concentración da disolución de Fe²⁺.
b) Detalla o material e procedemento necesarios para levar a cabo esta valoración no laboratorio.

Problema 835:

Sábese que o ión MnO₄⁻ oxida o Fe(II) a Fe(III) en presenza de H₂SO₄, mentres se reduce a Mn(II).
a) Escribe e axusta polo método de ión-electrón a ecuación iónica global, indicando as semirreaciones correspondentes.
b) Que volume de KMnO₄ 0,02 M requírese para oxidar 40 mL dunha disolución 0,1 M de FeSO₄ en disolución de H2SO4? (PAU-Xuño-2011)

Problema 836:

100 mL dunha disolución acuosa de cloruro de ferro(II) fanse reaccionar, no medio ácido, cunha disolución 0,35 M de K₂Cr₂O₇ sendo necesarios 64,4 mL desta última para completar a oxidación. Na reacción o ferro(II) se oxida a ferro(III) e o ión Cr₂O₇²⁻ redúcese a cromo(III).
a) Axusta a ecuación iónica da reacción polo método de ión-electrón.
b) Calcula a molaridade da disolución de cloruro de ferro(II). (PAU-Xuño-2013)

Problema 837:

O ferro(II) pode ser oxidado por unha disolución ácida de dicromato de potasio de acordo coa seguinte ecuación iónica:
Cr₂O₇²⁻ + Fe²⁺ → Cr³⁺ + Fe³⁺ (en medio ácido)
a) Axusta a reacción iónica que ten lugar polo método de ión-electrón.
b) Se se utilizan 26,0 mL dunha disolución de dicromato de potasio 0,0250 M para valorar 25,0 mL dunha disolución que contén Fe²⁺, cal é a concentración da disolución de Fe²⁺? (PAU-Set-2014)

Problema 838:

O K₂Cr₂O₇ oxida o yoduro de sodio no medio ácido sulfúrico formándose, entre outros, sulfato de sodio, sulfato de potasio, sulfato de cromo(III) e I₂.
a) Axusta as reaccións iónica e molecular polo método de ión-electrón.
b) Se temos 120 mL de disolución de yoduro de sodio e necesítanse para a súa oxidación 100 mL de disolución de dicromato de potasio 0,2 M, cal é a molaridade da disolución de yoduro de sodio? (PAU-Xuño-2016)

Problema 839:

A valoración no medio ácido de 50,0 mL dunha disolución de Na₂C₂O₄ require 24,0 mL de permanganato de potasio 0,023 M. Sabendo que a reacción que se produce é:
C₂O₄²⁻ + MnO₄⁻ + H⁺ → Mn²⁺ + CO_2(g) + H₂O,
a) Axusta a reacción iónica polo método de ión-electrón.
b) Calcula os gramos de Na₂C₂O₄ que hai nun litro dá disolución. (ABAU-Set-2017)

Problema 840:

PRÁCTICA: Para determinar a concentración dunha disolución de FeSO₄ realízase unha valoración redox na que 18,0 mL de disolución de KMnO₄ 0,020 M reaccionan con 20,0 mL da disolución de FeSO₄. A reacción que ten lugar é:
5 Fe²⁺_(ac) + MnO₄⁻_(ac) + 8 H⁺_(ac) → 5 Fe³⁺_(ac) + Mn²⁺_(ac) + 4 H₂O_(l)
a) Calcula a concentración da disolución de FeSO4.
b) Nomea o material necesario e describe o procedemento experimental para realizar a valoración. (ABAU-Set-2018)

Problema 841:

Reaccionan 4,0 mL dunha disolución 0,1 M de KMnO₄ con 10,0 mL dunha disolución de ioduro de potasio en presenza de ácido clorhídrico para dar I₂, cloruro de manganeso(II), cloruro de potasio e auga.
a) Axusta as ecuacións iónica e molecular polo método do ión-electrón.
b) Calcula a concentración da disolución de ioduro de potasio. (ABAU-Xullo-2020)

Problema 842:

O catión ferro(II) pode ser oxidado tal como ocorre nesta reacción:
KMnO₄ + FeCl₂ + HCl → MnCl₂ + FeCl₃ + KCl + H₂O
a) Axusta a ecuación iónica empregando o método do ión-electrón e escriba a ecuación molecular redox axustada.
b) Sabendo que se empregaron 26,0 mL dunha disolución de permanganato de potasio de concentración 0,025 M para valorar 25,0 mL dunha disolución que contén Fe²⁺ , calcula a concentración da disolución de Fe²⁺. (ABAU-Xullo-2022)

Problema 850:

A pila que funciona segundo a reacción: Zn_(s) + Hg²⁺_(aq) → Zn²⁺_(aq) + Hg_(l) ten unha Eº=+1,61V. Calcula o potencial normal do eléctrodo Hg²⁺_(aq) / Hg_(l) sabendo que o potencial normal de eléctrodo de cinc é −0,76V

Problema 851:

Representa a pila construída con eléctrodos de cobre e prata mergullados en disolucións de CuSO₄ e AgNO₃, respectivamente. Que eléctrodo é o cátodo e cal o ánodo? Escribe as semirreaccións e a reacción global da pila, indica o fluxo de electróns e a notación abreviada da pila.

Problema 852:

Debuxa a pila correspondente á seguinte notación abreviada:
Al_(s) | Al³⁺_{(aq, 1,0M)} || Ni²⁺_{(aq, 1,0M)} | Ni_(s)
Indica o nome dos eléctrodos, as reaccións e funcionamento.

Problema 853:

Representa cada unha das pilas formadas polos eléctrodos seguintes: Fe²⁺/Fe e Al³⁺/Al; Cu²⁺/Cu e Sn²⁺/Sn; Ag⁺/Ag e Cu²⁺/Cu , escribe as correspondentes reaccións e a notación abreviada da pila, e calcula a f.e.m. da mesma.

Problema 854:

PRÁCTICA: a) Xustifica que reacción terá lugar nunha pila galvánica formada por un eléctrodo de cobre e outro de cinc en condicións estándar a partir das reaccións que teñen lugar no ánodo e no cátodo. Calcula a forza electromotriz da pila nestas condicións.
b) Indica como realizarías a montaxe da pila no laboratorio para facer a comprobación experimental, detallando o material e os reactivos necesarios.
Eº(Cu²⁺/Cu)= +0,34V; Eº(Zn²⁺/Zn)= –0,76V (PAU-Set-2012) (ABAU-Xuño-2017)

Problema 855:

PRÁCTICA: No laboratorio constrúese unha pila que ten a seguinte notación: Cd_(s) I Cd²⁺ _{(aq, 1 M)} II Ag⁺ _{(aq, 1 M)} I Ag_(s).
a) Indica as reaccións que teñen lugar en cada eléctrodo, o proceso total e calcula a forza electromotriz.
b) Detalla o material, reactivos necesarios e debuxa a montaxe indicando cada unha das partes.
E^o(Ag⁺ /Ag) = +0,80 V e E^o(Cd²⁺/Cd) = −0,40 V (ABAU-Set-2017)

Problema 856:

PRÁCTICA: a) Xustifica que reacción terá lugar nunha pila galvánica formada por un eléctrodo de prata e outro de aluminio en condicións estándar a partir das reaccións que teñen lugar no ánodo e no cátodo. Calcula a forza electromotriz da pila nestas condicións.
b) Indica como realizarías a montaxe da pila no laboratorio para facer a comprobación experimental, detallando o material e os reactivos necesarios.
Eº(Ag⁺/Ag)= +0,80V; Eº(Al³⁺/Al)= –1,66V

Problema 857

PRÁCTICA: Cos seguintes datos Eº(Fe²⁺/Fe)= −0,44 V e Eº(Ag⁺/Ag)= +0,80 V, indica razonadamente:
a) As reaccións que se producen nos eléctrodos indicando o ánodo e o cátodo.
b) A reacción global e o potencial estándar da pila formada con estes eléctrodos. (PAU-Xuño-2012)

Problema 858

PRÁCTICA: a) Fai un esquema dunha pila formada por un eléctrodo de cinc e un eléctrodo de prata, detallando cada un dos seus compoñentes, así como o material e reactivos necesarios para a súa construción.
b) Indica as reaccións que teñen lugar, sinalando que eléctrodo actúa como ou ánodo e cal como o cátodo; a reacción global e o potencial da pila. Datos: Eº (Zn²⁺/Zn)= -0,76V e Eº (Ag⁺/Ag)= +0,80V (PAU-Set-2013)

Problema 859

PRÁCTICA: A 25ºC e empregando un eléctrodo de prata e outro de cinc, disolucións de Zn²⁺(1,0 M) e Ag⁺(1,0 M) e unha disolución de KNO₃ 2,0 M como ponte salina, constrúese no laboratorio a seguinte pila: Zn_(s) | Zn²⁺ _(ac) || Ag⁺_(ac) | Ag_(s); Datos: Eº(Zn²⁺/Zn)= -0,76 V e Eº(Ag⁺/Ag)= +0,80 V
a) Escribe as semirreaccións que acontecen en cada eléctrodo e a ecuación da reacción iónica global, calculando tamén a forza electromotriz da pila.
b) Fai un debuxo-esquema detallado da pila, indica o ánodo e o cátodo e o sentido en que circulan os electróns, así como os ións da ponte salina. (PAU-Xuño-2014)

Problema 860

PRÁCTICA: a) Fai un esquema indicando o material e os reactivos que se necesitan para construír no laboratorio a pila que ten a seguinte notación:
Fe _(s) | Fe²⁺ _{(ac, 1 M)}|| Cu²⁺ _{(ac, 1 M)} | Cu _(s)
b) Escribe as semirreaccións que se producen no ánodo e no cátodo e indique as súas polaridades. Escribe a reacción iónica global e calcula a forza electromotriz da pila.
E°(Cu²⁺/Cu)= +0,34 V e E°(Fe²⁺/Fe)= –0,44 V (ABAU-Xuño-2019)

Problema 861

PRÁCTICA: No laboratorio constrúese a seguinte pila en condicións estándar:
Cu _(s) | Cu²⁺ _{(ac, 1M)} || Ag⁺ _{(ac, 1M)} | Ag _(s)
a) Fai un debuxo da montaxe, indicando o material e os reactivos necesarios.
b) Escribe as semirreaccións de redución e oxidación e a reacción iónica global da pila e calcule o potencial da mesma en condicións estándar.
Eº(Cu²⁺/Cu) = +0,34 V e Eº(Ag⁺/Ag) = +0,80 V (ABAU-Xullo-2019) (ABAU-Xullo-2020)

Problema 862

PRÁCTICA: a) Explica como construirías no laboratorio unha pila empregando un eléctrodo de cinc e un eléctrodo de níquel, indicando o material e os reactivos necesarios.
b) Indica as semirreaccións que teñen lugar en cada eléctrodo, a reacción iónica global e calcule a forza electromotriz da pila.
Eº(Ni²⁺/Ni) = −0,25 V e Eº(Zn²⁺/Zn) = −0,76 V (ABAU-Set-2020)

Problema 863

PRÁCTICA: 1. Explica como construiría no laboratorio unha pila galvánica empregando un eléctrodo de aluminio e outro de cobre, indicando o material e os reactivos necesarios.
2. Indique as semirreaccións que teñen lugar en cada eléctrodo, a ecuación iónica global e calcule a forza electromotriz da pila.
Datos: Eº(Cu²⁺/Cu)= + 0,34 V ; Eº(Al⁺³/Al)= – 1,67 V (ABAU-Xuño-2021)

Problema 864

PRÁCTICA: Constrúese no laboratorio unha pila galvánica con eléctrodos de Au e Cd.
a) Escriba as reaccións que teñen lugar nos eléctrodos indicando: o ánodo e o cátodo, a reacción global e a forza electromotriz da pila.
b) Faga un esquema detallado da montaxe da pila no laboratorio, indicando material, reactivos e o sentido de fluxo dos electróns durante o funcionamento da pila.
Eº (Au³⁺/Au) = + 1,50 V; Eº (Cd²⁺/Cd) = − 0,40 V
(ABAU-Xullo-2022)

Problema 865

PRÁCTICA: 1. Xustifique que reacción terá lugar nunha pila galvánica formada por un eléctrodo de cobre e outro de cadmio en condicións estándar, indicando as reaccións que teñen lugar no ánodo e no cátodo. Calcule a forza electromotriz da pila nestas condicións.
2. Faga un esquema da montaxe da pila no laboratorio, detallando o material e os reactivos necesarios e sinalando o sentido de circulación dos electróns.
Datos: (Eº(Cu²⁺/Cu) = + 0,34 V e Eº(Cd²⁺/Cd) = – 0,40 V) (ABAU-Xuño-2023)

Problema 866

PRÁCTICA: Constrúese no laboratorio a seguinte pila galvánica: Pb_(s)|Pb²⁺_{(ac,
1 M)}||Cu²⁺_{(ac, 1 M)}|Cu_(s).
1. Escribe as semirreaccións de oxidación, de redución e a reacción global. Calcule a forza electromotriz da pila.
2. Debuxe un esquema da pila, representando as semicelas que actúan como ánodo e como cátodo, detallando material e reactivos, así como o sentido do fluxo dos electróns durante o funcionamento da pila.
Datos: Eº(Cu²⁺/Cu) = + 0,34 V e Eº(Pb^2+/Pb) = – 0,12 V
(ABAU-Xullo-2023)

Problema 870:

Utilizando a táboa de potenciais normais, razoa se as seguintes reaccións serán espontáneas.
a) H_2(g) + Fe²⁺_(aq) → H⁺_(aq) + Fe_(s)
b) Ni_(s) + H⁺_(aq) → Ni²⁺_(aq) + H_2(g)
c) Zn_(s) + Ni²⁺_(aq) → Zn²⁺_(aq) + Ni_(s)
d) Al_(s) + Pb²⁺_(aq) → Al³⁺_(aq) + Pb_(s)
e) Sn_(s) + 2 H⁺(aq) → Sn²⁺_(aq) + H_2(g)
f) Cu_(s) + Pb²⁺_(aq) → Cu²⁺_(aq) + Pb_(s)
g) Al_(s) + Ni²⁺_(aq) → Al³⁺_(aq) + Ni_(s)
h) Cl_2(g) + 2 F⁻_(aq) → 2 Cl⁻_(aq) + F_2(g)

Problema 871:

Será un ácido como o HCl capaz de disolver a un metal? Analiza a reacción:
H⁺_(aq) + Metal_(s) → Metalⁿ⁺_(aq) + H_2(g)
que é típica dos ácidos, cos metais seguintes: Pb, Sn, Fe, Cu, Ag.

Problema 872:

Coa información contida na táboas explica se as especies químicas seguintes, H_2(g), Fe²⁺_(aq) e SO₄²⁻_(aq), poden ser: a) oxidantes, e se son bos ou malos oxidantes. b) redutores, e se son bos ou malos redutores.

Problema 873:

Será capaz o Fe_(s) de reducir ao FeCl₃ dando FeCl₂ según a reacción:
Fe_(s) + 2 FeCl_3(aq) → 3 FeCl_2(aq)

Problema 874:

Explica cales das afirmacións seguintes son verdadeiras:
a) Os catións prata(I) son moi oxidantes.
b) A prata é un metal oxidante.
c) A prata oxídase facilmente.
d) Os catións prata(I) oxídanse facilmente.

Problema 875:

Utilizando a táboa de potenciais:
a) Argumenta que acontecerá se a unha disolución de FeSO₄ engadímoslle: a.1) anaquiños de cinc, a.2) limaduras de cobre. (PAU-Xuño-2010)
b) Argumenta que sucedería se utilizases unha culler de aluminio para axitar unha disolución de nitrato de ferro(II) (PAU-Xuño-2011)
c) Argumenta se é verdadeira ou falsa a afirmación seguinte: En disolución acuosa, a 25ºC, os ións Fe³⁺ oxidan aos ións I⁻ a I₂ mentres se reducen a Fe²⁺. (PAU-Xuño-2013)

Problema 876:

Deduce, a partir dos potenciais de redución estándar se a seguinte reacción:
2Fe²⁺_(aq) + Cl_2(g) → 2Fe³⁺_(aq) + 2Cl⁻_(aq) terá lugar nese sentido ou no inverso. (PAU-Set-2013)

Problema 877:

O potencial de redución estándar do Au³⁺/Au é 1,3 V. Indica se a 25ºC o ácido clorhídrico reacciona co ouro. Escribe a reacción que tería lugar. Dato: Eº(H⁺/H₂) = 0,00 V (PAU-Xuño-2015)

Problema 878:

Xustifica, con axuda das semirreaccións, se o O_2(g) oxidará o Cl⁻_(aq) a Cl_2(g) no medio ácido, con formación de auga. (PAU-Xuño-2016)

Problema 879:

Argumenta, escribindo as correspondentes reaccións, que sucederá se engadimos limaduras de ferro a unha disolución de Cu⁺²_(ac).
Eº(Cu²⁺/Cu)= +0,34V e Eº(Fe²⁺/Fe)= –0,44V (ABAU-Xuño-2022)

Problema 880:

a) Cales son os produtos esperados da electrólise dun sal fundido como AlCl₃? b) Cal é a f.e.m. externa mínima que se require para formar estes produtos?

Problema 881:

a) Cales son os produtos esperados da electrólise dunha disolución lixeiramente acidificada con ácido sulfúrico? b) Cal é a f.e.m. externa mínima que se require para formar estes produtos?

Problema 882:

a) Cales son os produtos esperados da electrólise dunha disolución acuosa de CuSO₄? b) Cal é a f.e.m. externa mínima que se require para formar estes produtos?

Problema 883:

Explica que crees que sucederá nas electrólises dos seguintes sistemas, nos que hai varios catións e anións que se poden descargar:
a) unha disolución de NaCl moi diluída
b) unha disolución de NaCl moi concentrada.

Problema 890:

Electrolízase ZnCl₂ fundido mediante unha corrente de 3A durante un tempo determinado, depositándose 24,5g de Zn no cátodo. Cal é a reacción química que ten lugar no mesmo? E no ánodo? Canto tempo dura o proceso e canto Cl₂ medido en condicións normais despréndese no ánodo?

Problema 891:

Cando se fai pasar certa cantidade de corrente a través dunha disolución de AgNO₃, deposítanse 2g de prata no cátodo. Cantos gramos de chumbo depositaranse se se fai pasar a mesma cantidade de electricidade a través dun disolución de PbCl₂?

Problema 892:

Deséxase depositar sobre un obxecto metálico prata metal, electrolizando unha disolución que contén Ag⁺. a) Indica o proceso químico que terá lugar. b) Se en 35 minutos o obxecto gañou 0,174g de peso. Cal é a intensidade da corrente a través da cela?

Problema 893:

a) Cales son os produtos esperados da electrólise dun sal fundido como ZnCl₂? Debuxa a cela electrolítica, coas reaccións que se producen en cada eléctrodo.
b) Cal é a f.e.m. externa mínima que se require para formar estes produtos?
c) Se se fai pasar unha corrente de 2A durante un tempo determinado, depositándose 10,0g de Zn no cátodo. Canto tempo dura o proceso?
d) Que volume de Cl₂ medido en condicións normais despréndese no ánodo?

Problema 894:

Faise pasar durante 2,5 horas unha corrente de 2,0 A a través dunha cela electroquímica que contén unha disolución de SnI₂. Calcula a masa de estaño metálico depositada no cátodo. (ABAU-Xuño-2017)

Problema 895:

Faise pasar unha corrente eléctrica de 0,2 A a través dunha disolución acuosa de sulfato de cobre(II) durante 10 minutos. Calcula os gramos de cobre depositados. (ABAU-Set-2017)

Problema 896:

Realízase a electrólise dunha disolución de cloruro de ferro(III) facendo pasar unha corrente de 10 amperios durante 3 horas. Calcular:
a) Os gramos de ferro depositados no cátodo.
b) O tempo que tería que pasar a corrente para que no ánodo despréndanse 20,5 L de Cl₂ gas medidos a 25 ºC de temperatura e 1 atm de presión. (ABAU-Xuño-2018)

Problema 897:

Faise pasar durante 2,5 horas unha corrente eléctrica de 5,0 A a través dunha disolución acuosa de SnI₂. Calcula os moles de I₂ liberados no ánodo. (ABAU-Set-2018)

Problema 898:

Faise pasar unha corrente eléctrica de 1,5 A a través de 250 mL dunha disolución acuosa de ións Cu²⁺ 0,1 M. Calcule o tempo que ten que transcorrer para que todo o cobre da disolución se deposite como cobre metálico. (ABAU-Xullo-2019)