     |
|
|
|
QUE É A LUZ? ESPECTRO ELECTROMAGNÉTICO |
| Que é a luz? A luz foi como o yin e yang da física, uns
como Newton víana como partículas, e outros como Huygens víana como
ondas. Esta dualidade resolveuse coa chegada da mecánica cuántica. O
comportamento da luz leva implícita esta dobre característica,
compórtase como onda pero tamén como partícula. Polo camiño desta
discusión foi de gran axuda para o coñecemento da materia e dos átomos
que a forman. Universo Mecánico 40: Óptica
 |
|
ESPECTROS ATÓMICOS |
| As primeiras hipóteses sobre como eran os átomos dan un
xiro radical co experimento de Rutherford. O átomo de Bohr é o primeiro
intento serio de achegarnos ás interioridades dos átomos. Non só tiña que
explicar a experiencia de Rutherford senón tamén os espectros que eran
de uso común en todos os laboratorios de química no século XIX. Universo Mecánico 49: O átomo
Na seguinte páxina de Educaplus podedes
experimentar cun simulador de espectros fantástico.
Espectros atómicos en Educaplus.org
|
|
ESPECTROSCOPIO DE KIRCHHOFF-BUNSEN |
| A química, como a natureza, está chea de cores, e foron
estas cores as que permitiron aos espectroscopistas acercarnos ás
interioridades dos átomos, pero tamén acercarnos ás máis lonxanas
estrelas. Un pequeno prisma como os usados por Newton para descompoñer a
luz descubriunos un novo elemento no Sol, o helio, algúns anos antes de
descubrilo na Terra. "A Química dos Ceos" (Robert Wilhelm Bunsen 1811-1899 & Gustav
Robert Kirchhoff 1824-1887)
Espectroscopio Bunsen. Espectros atómicos
|
|
COMO CONSTRUIR UN ESPECTROSCOPIO? |
| O espectroscopio de Kirchhoff-Bunsen emplea un
prisma para descompoñer a luz, esto tamén o podemos conseguir con redes
de difracción. Un vello CD pode proporcionarnos o material para
construir o noso propio espectroscopio, xa que a información que garda
queda rexistrada nun sinfín de liñas que non son outra cousa que una moi
boa rede de difracción. No seguinte vídeo conto como construilo paso a
paso.
Espectroscopio. Construir un espectroscopio cun CD
Espero que disfrutedes moito deste aparato que vos
achegará máis que ningún outro ao interior dos átomos.
|
|
|
|
|
