Enunciados ácido-base

Problema 701:

Indica, segundo o concepto de Brönsted-Lowry, cales das seguintes especies son ácidas, bases ou anfóteras, explicando a razón da elección:
a) S²⁻ b) H₂PO₄⁻ c) H₂CO₃ (PAU-Set-2002)

Problema 702:

Completa os seguintes equilibrios ácido-base de Brönsted-Lowry, caracterizando os correspondentes pares ácido-base conxugados:
(a) ........+ H₂O ↔ CO₃²⁻ + H₃O⁺
(b) NH₄⁺ + OH⁻ ↔ H₂O +.........
(c) ........+ H₂O ↔ H₃O⁺ + SO₄²⁻ (PAU-Set-2001)

Problema 703:

Indica razonadamente, segundo a teoría de Brönsted, se as seguintes afirmacións son certas ou falsas:
a) Un ácido e a súa base conxugada reaccionan entre si dando unha disolución neutra.
b) Un ácido e a súa base conxugada difiren nun protón. Pon un exemplo.
c) A base conxugada dun ácido forte é unha base forte. Pon un exemplo.

Problema 704:

Indica cales son as bases conxugadas dos ácidos HCl, H₂O, NH₄⁺, CH₃COOH, e cales son os ácidos conxugados das bases H₂O, NH₃, CO₃²⁻, OH⁻.

Problema 705:

Completa as seguintes reaccións ácido-base e identifica os pares conxugados ácido-base.
a) HCl_(aq) + OH⁻_(aq) →
b) CO₃²⁻_(aq)+ H₂O_(l) ↔
c) HNO_3(aq)+ H₂O_(l) →
d) NH_3(aq)+ H₂O_(l) ↔ (PAU-Set-2013)

Problema 706:

a) Escribe as reaccións de disociación en auga, segundo o modelo de Brönsted-Lowry, das seguintes especies químicas: CH₃COOH, NH₃, NH₄⁺, CN⁻
b) Indica os pares ácido base conxugados.

Problema 707:

Indica segundo a teoría de Brönsted-Lowry, cal ou cales das seguintes especies poden actuar só como ácido, só como base ou como ácido e base. Escribe as correspondentes reaccións ácido-base:
a) CO₃⁻ b) HPO₄² c) H₃O⁺ d) NH₄⁺

Problema 708:

Completa as seguintes reaccións e identifica os pares conxugados ácido-base.

a) HNO_3(aq)+ H₂O_(l) →
b) NH_3(aq)+ H₂O_(l) ↔ (ABAU-Xuño-2018)

Problema 709:

Xustifica se a seguinte afirmación é verdadeira ou falsa: No equilibrio: HSO₄⁻_(ac) + H₂O_(l) ↔ SO₄²⁻_(ac) + H₃O⁺_(ac) a especie HSO₄⁻ actúa como unha base e a molécula de auga como un ácido de Brönsted-Lowry. (ABAU-Set-2020)

Problema 710:

Das seguintes substancias: PO₄³⁻, HNO₂ y HCO₃⁻, unha é ácida, outra básica e outra anfótera segundo a teoría de Brönsted-Lowry. Razoe cal é cada unha escribindo os equilibrios que así o demostren. (ABAU-Xuño-2021)

Problema 711:

Calcula o grao de disociación e as especies presentes no equilibrio nunha disolución de ácido acético, HAc, 0,10M. Dato K_a= 1,8·10⁻⁵.

Problema 712:

Calcula o grao de ionización e as especies presentes no equilibrio nunha disolución de amoníaco, NH₃, 0,20M. Dato K_b= 1,79·10⁻⁵.

Problema 713:

Calcula o grao de disociación e as especies presentes no equilibrio nunha disolución de ácido nitroso, HNO₂, 0,30M. Dato K_a= 4,6·10⁻⁴.

Problema 714:

Calcula o grao de ionización e as especies presentes no equilibrio nunha disolución de metilamina, CH₃NH₂, 0,25M. Dato K_b= 3,7·10⁻⁴.

Problema 715:

Calcula o grao de disociación e as especies presentes no equilibrio nunha disolución de ácido sulfhídrico, H₂S, 0,15M. Dato K_a= 9,1·10⁻⁸.

Problema 716:

Calcula o grao de ionización e as especies presentes no equilibrio nunha disolución de piridina, C₅H₅N, 0,10M. Dato K_b= 1,8·10⁻⁹.

Problema 718:

Unha disolución de CH₃COOH 0,2M está ionizada ao 0,95%. Calcula:
a) As concentracións de CH₃COOH e H₃O⁺ no equilibrio.
b) A constante de ionización do ácido.

Problema 723:

Calcula o grao de disociación dunha disolución de ácido acético de concentración C_o. Varía o grao de disociación do ácido coa concentración inicial?. Cal será o grao de disociación se C_o vale 1M, 10⁻²M e 10⁻⁴M? K_a= 1,8·10⁻⁵.

Problema 724:

Calcula a constante de basicidade do ión Ac⁻, do ión OH⁻ e do ión HCO₃⁻. Utiliza os datos das Táboas de Química

Problema 725:

Para unha disolución acuosa dun ácido HA de K_a = 1·10⁻⁵, xustifica se son verdadeiras ou falsas as seguintes afirmacións:
a) A constante de acidez de HA é menor que a constante de basicidade da súa base conxugada.
b) Se se dilúe a disolución do ácido, o seu grao de disociación permanece constante. (PAU-Set-2012)

Problema 731:

Calcula a [H₃O⁺], [OH⁻], pH e pOH de: a) Unha disolución 0,2M de HClO₄. b) Unha disolución 0,035M de NaOH.

Problema 733:

Calcula a [H₃O⁺] e o pH de: a) Unha disolución que contén 2g de Ba(OH)₂ en 100ml de auga. b) Unha disolución obtida ao mesturar 100ml de HCl 0,3M e 200ml de HNO₃ 0,5M.

Problema 736:

A piridina é unha base orgánica que reacciona coa auga segundo a reacción:
C₅H₅N_(aq) + H₂O ↔ C₅H₅NH⁺_(aq) + OH⁻_(aq).
Cal é a concentración do ión C₅H₅NH⁺ nunha disolución 0,1M de piridina? Cal é o pH da disolución? K_b = 1,8·10⁻⁹

Problema 737:

Cales son as concentracións no equilibrio e o pH dunha disolución preparada disolvendo 0,16 moles de cianuro de sodio, NaCN, en auga ata formar 500ml de disolución? K_a(HCN) = 4,93·10⁻¹⁰

Problema 738:

Razoa se as seguintes afirmacións referidas a unha disolución 0,1M dun ácido debil HA son correctas:
a) As concentracións no equilibrio das especies A⁻ e H₃O⁺ son iguais.
b) O pH da disolución é 1.

Problema 739:

A anilina (C₆H₅NH₂) é unha base débil con K_b = 4,1·10⁻¹⁰. Calcula:
a) O pH dunha disolución acuosa 0,10M de anilina
b) O valor da constante de acidez do ácido conxugado da anilina. (PAU-Xuño-2015)

Problema 740:

A 25ºC o grao de ionización dunha disolución acuosa de ácido etanoico 0,101M vale α=0,0099. Calcula o pH da mesma e a constante de ionización do ácido etanoico a esa temperatura.

Problema 741:

Dada unha disolución de amoníaco en auga de concentración 6,50·10⁻²M.
a) Calcula o pH da disolución.
b) Calcula o grao de disociación do amoníaco na disolución. K_b = 1,78·10⁻⁵

Problema 742:

Disólvense 20 litros de NH_3(g), medidos a 10ºC e 2 atm (202,6 kPa) de presión, nunha cantidade de auga suficiente para alcanzar 4,5 litros de disolución. Calcula:
a) O grao de disociación do amoníaco na disolución.
b) O pH da devandita disolución.
Dato: K_b(NH₃)= 1,78.10⁻⁵ (PAU-Xuño-2010)

Problema 743:

Se se disolven 0,650 g dun ácido orgánico monoprótico de carácter débil de fórmula HC₉H₇O₄ (ácido acetilsalicílico) nun vaso con auga ata completar 250 mL de disolución, indica:
a) O pH desta disolución.
b) O grao de disociación do ácido. Dato: K_a = 3,27·10⁻⁴

Problema 744:

Para unha disolución acuosa 0,20M de ácido láctico (ácido 2-hidroxipropanoico), calcula:
a) O grao de disociación do ácido na disolución e o pH da mesma.
b) Que concentración debe ter unha disolución de ácido benzoico (C₆H₅COOH) para dar un pH igual ao dunha disolución de ácido láctico 0,20M?
Datos: K_a(CH₃CH(OH)COOH) = 3,20·10⁻⁴ e K_a(C₆H₅COOH) = 6,42·10⁻⁵ (ABAU-Xuño-2017)

Problema 745:

Ao disolver 0,23 g de HCOOH en 50 mL de auga obtense unha disolución de pH igual a 2,3.
Calcula:
a) A constante de acidez (K_a) do ácido.
b) O grao de ionización do mesmo. (ABAU-Set-2017)

Problema 746:

Unha disolución acuosa de ácido fluorhídrico 2,5·10⁻³M está disociada un 40%. Calcula:
a) A constante de acidez.
b) O pH e a concentración de ións hidróxilo [OH⁻] da disolución.

Problema 747:

O produto de solubilidade do Mn(OH)₂, medido a 25ºC, vale 4·10⁻¹⁴. Calcula: (a) A solubilidade en auga, expresada en g/L. (b) O pH da disolución saturada.

Problema 748:

Disponse dunha disolución que contén unha concentración de Cd²⁺ de 1,1 mg/L. Quérese eliminar parte do Cd²⁺ precipitándoo cun hidróxido, en forma de Cd(OH)₂. Calcula:
a) O pH necesario para iniciar a precipitación.
b) A concentración de Cd²⁺, en mg/L, cando o pH é igual a 12. Dato: K_s Cd(OH)₂= 1,2·10⁻¹⁴

Problema 750:

Calcula o volume de auga que hai que engadir a 100ml dunha disolución 0,25M de HCl para obter unha disolución de pH=1,5 .

Problema 751:

a) Que concentración debe ter unha disolución de amoníaco para que o seu pH sexa 10,35?
b) Cal será o grao de disociación desta disolución? K_b = 1,79·10⁻⁵

Problema 752:

Unha disolución acuosa contén 5,0·10^–3 moles de ácido cloroetanoico (ClCH₂-COOH) por cada 100 mL de disolución. Se a porcentaxe de ionización é do 15%, calcula:
a) A concentración de todas as especies presentes na disolución.
b) O pH da disolución e o valor da constante K_a do ácido. (ABAU-Set-2018)

Problema 753:

Razoa se a seguinte afirmación é correcta: a igual molaridade, canto máis débil é un ácido, menor é o pH da súa disolución acuosa. (ABAU-Set-2018)

Problema 754:

Unha disolución 0,064 M dun ácido monoprótico (HA) ten un pH de 3,86. Calcula:
a) A concentración de todas as especies presentes na disolución e o grao de ionización do ácido.
b) O valor da constante K_a do ácido e da constante K_b da súa base conxugada. (ABAU-Xuño-2019)

Problema 755:

Un volume de 1,12 L de HCN gas, medidos a 0ºC e 1 atm, disólvese en auga obténdose 2 L de disolución. Calcula:
a) A concentración de todas as especies presentes na disolución.
b) O valor do pH da disolución e o grao de ionización do ácido.
Dato: K_a(HCN) = 5,8·10⁻¹⁰ (ABAU-Jul-2019)

Problema 756:

Sabendo que K_b(NH₃)=1,78·10⁻⁵, calcula:
a) A concentración que debe ter unha disolución de amoníaco para que o seu pH sexa 10,6.
b) O grao de disociación do amoníaco na disolución. (ABAU-Xullo-2020)

Problema 757:

Unha disolución acuosa 0,03 M dun ácido monoprótico (HA) ten un pH de 3,98. Calcula:
a) A concentración molar de A^‒ na disolución e o grao de disociación do ácido.
b) O valor da constante do ácido (K_a) e o valor da constante da súa base conxugada (K_b). (ABAU-Xullo-2021)

Problema 758:

Disólvense 46 g de ácido metanoico, HCOOH, en 10 L de auga, obtendo unha disolución de pH igual a 2,52.
a) Calcule o grao de disociación do ácido.
b) Determine a constante K_a do ácido e a constante K_b da súa base conxugada (ABAU-Xuño-2022)

Problema 759:

Unha disolución 0,03 M de amoníaco está disociada nun 2,42 %. Calcule:
a) O valor da constante K_b do amoníaco.
b) O pH da disolución e o valor da constante K_a do ácido conxugado.
(K_w= 1,0·10⁻¹⁴) (ABAU-Xuño-2023)

Problema 760:

Dadas dúas disolucións, unha de ácido nítrico e outra de HNO₂ [K_a(HNO₂) = 7,2·10⁻⁴], razoe cal delas terá un pH menor se ambas teñen a mesma concentración inicial. (ABAU-Xullo-2023)

Problema 761:

Ordena de maior a menor acidez as seguintes disolucións acuosas da mesma concentración: acetato de sodio, ácido nítrico e cloruro de potasio. Formula as ecuacións iónicas que xustifican a resposta.

Problema 762:

Ordena de maior a menor acidez as seguintes disolucións acuosas da mesma concentración: hidróxido de sodio; cloruro de sodio e cloruro de amonio. Formula as ecuacións iónicas que xustifican a resposta.

Problema 763:

Ordena de maior a menor acidez as seguintes disolucións acuosas da mesma concentración: bromuro de potasio, nitrato de amonio, acetato de sodio, hidróxido de potasio e ácido nítrico. Formula as ecuacións iónicas que xustifican a resposta.

Problema 764:

Ordena de maior a menor acidez as seguintes disolucións acuosas da mesma concentración: yoduro de potasio, amoníaco, ácido clorhídrico, ácido hipocloroso, hidróxido de sodio. Formula as ecuacións iónicas que xustifican a resposta.

Problema 765:

a) Ao disolver un sal en auga é posible que esta disolución teña pH básico? b) Pon un exemplo dun sal no que a disolución acuosa presente un pH ácido e un exemplo dun sal no que a disolución acuosa sexa neutra. Razoa as respostas.

Problema 766:

Se queremos impedir a hidrólisis que sofre o NH₄Cl en disolución acuosa indica, razonadamente, cal dos seguintes métodos será o máis eficaz:
a) engadir NaCl á disolución.
b) engadir NH₃ á disolución.

Problema 767:

a) Establecer se unha disolución acuosa de NH₄NO₃ será ácida, básica ou neutra.
b) A metilamina en disolución acuosa compórtase como unha base débil, de forma similar ao amoníaco, escribe a reacción e indica os pares ácido/base conxugados.

Problema 768:

Cal é o pH dunha disolución de NH₄Cl, preparada con 2,68g ata completar un volume de 250ml? K_b(NH₃) = 1,79·10⁻⁵

Problema 769:

Cal é o pH dunha disolución de CH₃COONa, preparada con 5,00g ata completar un volume de 500ml? K_a(CH₃COOH) = 1,8·10⁻⁵

Problema 770:

a) Xustifica o carácter ácido, básico ou neutro dunha disolución acuosa de KCN. (ABAU-Set-2017)
b) Para os sales NaCl e NH₄NO₃:
b.1) Escriba as ecuacións químicas da súa disociación en auga.
b.2) Razoa se as disolucións obtidas serán ácidas, básicas ou neutras. (ABAU-Xullo-2019)
c) Xustifica se a seguinte afirmación é verdadeira ou falsa: Unha disolución acuosa de NH₄Cl ten carácter ácido. (ABAU-Xullo-2020)

Problema 770B:

Razoa mediante as reaccións correspondentes o pH que terán as disolucións acuosas das seguintes especies químicas: NaNO₃ e NH₄NO₃. (ABAU-Xullo-2022)

Problema 771:

Indica razoadamente que pares das substancias seguintes forman ou non unha disolución reguladora: a) ácido clorhídrico/cloruro de sodio, b) ácido cianhídrico/cianuro de potasio, c) ácido nítrico/nitrato de amonio, d) hidróxido de amonio/cloruro de amonio.

Problema 776:

Unha disolución é 0,30M en NH₃ e 0,30M en NH₄Cl. (a) Cal é o seu pH? Que cambio de pH prodúcese ao engadir a 1L desta disolución 0,050 moles (b) de HCl e (c) de NaOH? (Ignórense os cambios de volume). (d) Cal sería o pH de engadir estas cantidades a 1L de auga destilada? K_b(NH₃) = 1,8·10⁻⁵

Problema 777:

Unha disolución é 0,30M en ácido acético e 0,50M en acetato de sodio. (a) Cal é o seu pH? Que cambio de pH prodúcese ao engadir a un litro desta disolución 0,10 moles (b) de HCl e (c) de NaOH? (Ignórense os cambios de volume). (d) Cal sería o pH de engadir estas cantidades a un litro de auga destilada? K_a(HAc)=1,8·10⁻⁵.

Problema 781:

50ml dunha disolución que contén 0,19g de hidróxido de calcio mestúrase cun volume igual dunha disolución que contén 0,93g de ácido bromhídrico. Supoñendo que o volume final da mestura é de 100ml, cal será o pH da disolución resultante?

Problema 783:

Calcula o volume dunha disolución 0,1M de NaOH que se require para neutralizar 27,5ml dunha disolución 0,25M de HCl

Problema 784:

Calcula o volume dunha disolución 0,7M de KOH que se require para neutralizar 50,0ml dunha disolución 0,45M de HNO₃.

Problema 785:

PRÁCTICA: a) Que volume de disolución de NaOH 0,1 M necesítase para neutralizar 10 mL de disolución de HCl 0,2 M? Xustifica cal será o pH no punto de equivalencia.
b) Describe o procedemento experimental e nomea o material necesario para levar a cabo a valoración.

Problema 786:

PRÁCTICA: a) Cantos mL dunha disolución de NaOH 0,610 M necesítanse para neutralizar 20,0 mL dunha disolución de H₂SO₄ 0,245 M? Indica a reacción que ten lugar e xustifica o pH no punto de equivalencia.
b) Nomea o material necesario e describe o procedemento experimental para levar a cabo a valoración.

Problema 787:

PRÁCTICA: Na valoración de 20,0 mL dunha disolución de acedo clorhídrico gástanse 18,1 mL dunha disolución de hidróxido de sodio 0,125 M.
a) Calcula a molaridade da disolución de ácido indicando a reacción que ten lugar.
b) Indica o material e reactivos necesarios, así como o procedemento para levar a cabo a valoración.

Problema 788:

PRÁCTICA: No laboratorio realízase a valoración de 50,0 mL dunha disolución de NaOH e gastáronse 20,0 mL de HCl 0,10 M
a) Debuxa a montaxe experimental indicando no mesmo as substancias e o nome do material empregado.
b) Escribe a reacción química que ten lugar e calcula a molaridade da base.

Problema 789:

PRÁCTICA: Na valoración de 25,0 mL dunha disolución de ácido clorhídrico gástanse 22,1 mL dunha disolución de hidróxido de potasio 0,100 M.
a) Indica a reacción que ten lugar e calcula a molaridade da disolución do ácido.
b) Detalla o material e os reactivos necesarios, así como o procedemento para levar a cabo a valoración no laboratorio. (PAU-Jun-2017)

Problema 790:

PRÁCTICA: Na valoración de 50,0 mL dunha disolución de acedo nítrico gástanse 19,5 mL dunha disolución de hidróxido de potasio 0,250 M.
a) Indica a reacción que ten lugar e calcula a molaridade da disolución do ácido.
b) Detalla o material e os reactivos necesarios, así como o procedemento para levar a cabo a valoración no laboratorio.

Problema 791:

Calcula:
a.1) O pH dunha disolución de hidróxido de sodio 0,010 M.
a.2) O pH dunha disolución de ácido clorhídrico 0,020 M.
b) Calcula o pH da disolución obtida ao mesturar 100 mL da disolución de hidróxido de sodio 0,010 M con 25 mL da disolución de ácido clorhídrico 0,020 M. (ABAU-Xuño-2018)

Problema 792:

PRÁCTICA: Na valoración de 20,0 mL dunha disolución de ácido sulfúrico gástanse 30,0 mL dunha disolución de hidróxido de sodio 0,50 M.
a) Escribe a reacción que ten lugar e calcula a molaridade do ácido.
b) Describe o procedemento experimental e nomea o material necesario para realizar a valoración. (ABAU-Xuño-2018)

Problema 793:

PRÁCTICA: 15,0 mL dunha disolución de acedo clorhídrico de concentración descoñecida neutralízanse con 20,0 mL dunha disolución de hidróxido de potasio 0,10 M:
a) Escribe a reacción que ten lugar e calcula a concentración molar da disolución do ácido.
b) Describe os pasos para seguir no laboratorio para realizar a valoración anterior, nomeando o material e os indicador empregados. (ABAU-Xullo-2019)

Problema 794:

PRÁCTICA: 2,0 mL dun ácido nítrico do 58 % de riqueza en masa e densidade 1,36 g·mL^-1 dilúense con auga ata completar 250 mL de disolución.
a) Calcule o volume de disolución de hidróxido de sodio 0,10 M necesario para neutralizar 10 mL da disolución preparada de ácido nítrico, escribindo a reacción que ten lugar.
b) Describa o procedemento experimental e nome o material necesario para realizar a valoración. (ABAU-Set-2020)

Problema 795:

PRÁCTICA: Prepáranse 100 mL dunha disolución de HCl disolvendo, en auga, 10 mL dun HCl comercial de densidade 1,19 g·mL^-1 e riqueza 36% en peso. 20 mL da disolución de ácido preparada valóranse cunha disolución de NaOH 0,8 M.
1. Calcule a concentración molar da disolución de ácido valorada, escriba a reacción que ten lugar na valoración e calcule o volume gastado da disolución de NaOH.
2. Indique o procedemento para seguir no laboratorio para a valoración do ácido, indicando o material e reactivos. (ABAU-Xuño-2021)

Problema 796:

PRÁCTICA: Ao valorar 20,0 mL dunha disolución de Ca(OH)₂ gástanse 18,1 mL dunha disolución de HCl 0,250 M.
a) Escriba a reacción que ten lugar e calcule a concentración molar da disolución da base.
b) Indique o material e reactivos necesarios, debuxe a montaxe e explique o procedemento realizado. (ABAU-Xullo-2021)

Problema 797:

PRÁCTICA: Tómanse 30,0 mL dunha disolución 6,0 M de HCl e dilúense con auga ata un volume final de 250 mL. 25,0 mL desta disolución diluída necesitaron 20,0 mL dunha disolución de hidróxido de calcio para a súa neutralización.
a) Escriba a reacción que ten lugar e calcule a molaridade da disolución da base.
b) Nome e debuxe o material necesario e indique o procedemento empregado para a valoración. (ABAU-Xuño-2022)

Problema 798:

PRÁCTICA: Emprégase unha disolución de acedo nítrico de riqueza 2% en masa e densidade 1,009 g·mL⁻¹ para neutralizar 50 mL dunha disolución 0,25 M de hidróxido de bario.
a) Escriba a reacción química que ten lugar e calcule o volume da disolución de acedo nítrico gastado.
b) Describa o procedemento experimental e nome o material necesario para realizar a valoración. (ABAU-Xullo-2022)

Problema 799:

PRÁCTICA: Para neutralizar 150 mL dunha disolución de ácido nítrico 0,010 M gastáronse 15 mL dunha disolución de hidróxido de calcio de concentración descoñecida.
1. Escriba a reacción que ten lugar e calcule a molaridade da disolución do hidróxido de calcio.
2. Indique o material que empregaría e explique o procedemento experimental para realizar a valoración. (ABAU-Xuño-2023)