Hidrácidos

O zume gástrico é un líquido claro segregado en abundancia por numerosas glándulas microscópicas diseminadas pola mucosa do estómago. O zume gástrico contén:
1) Auga
2) Ácido clorhídrico
3) Encimas: pepsina, renina gástrica e lipasa gástrica.
No estómago prodúcese a gastrina, unha hormona que vai ao sangue para logo regresar e estimular a produción de zume gástrico (a histamina tamén ten este efecto). A súa función é actuar principalmente sobre a dixestión das proteínas, polo efecto das encimas pepsina e renina, para favorecer a absorción dos nutrientes no intestino delgado. As células parietais producen ácido clorhídrico (HCl) que activa á encima pepsinóxeno que posteriormente se transforma en pepsina.
Pola presenza do ácido clorhídrico o pH toma un valor entre un e dous. Este medio ácido facilita a degradación (hidrólise) das proteínas para convertelas en unidades máis pequenas.

Zumes gástricos e dixestión

¿Que son?

Son combinacións do hidróxeno cos Calcóxenos (grupo 16) e os Halóxenos (grupo 17).

O hidróxeno actúa con número de oxidación +1, e son os únicos compostos binarios de hidróxeno onde o hidróxeno se formula á esquerda.

¿Como se nomean?

Nomenclatura de composición (usando prefixos multiplicadores): Noméase o non metal terminado en "-uro" seguido de "de" e a palabra "hidróxeno" ou "dihidróxeno".

NONMETAL-uro de prefixo-hidróxeno

Estes compostos denomínanse hidrácidos pola propiedade de que ó disolvelos en auga dan disolucións ácidas, é dicir, ceden hidróxeno con facilidade. Faise notar esta circunstancia co subíndice (aq) que indica disolución acuosa.

Neste caso noméanse ca palabra "ácido" e o nome do non metal terminado en -hídrico.

Ácido NONMETAL-hídrico

Nomenclatura de sustitución. Noméanse os hidruros proxenitores coa raíz do elemento que acompaña ao hidróxeno e o sufijo -ano. A partir dos hidruros proxenitores obtéñense os seus derivados. Esta nomenclatura recoméndase soamente para os derivados dos hidruros proxenitores.

Se nos dan a fórmula

Na fórmula: Noméase o non metal terminado en “-uro”.

Na fórmula: noméase como "ácido" e o nome do non metal terminado en -hídrico.

Se nos dan o nome

No nome: O número de hidróxenos coincide co número de oxidación do non metal.

No nome: O número de hidróxenos coincide co número de oxidación do non metal.

Exemplos

Dentro deste grupo tamén podemos formular o HCN que presenta un hidróxeno ácido unido ó grupo cianuro que contén un triple enlace. Noméase como cianuro de hidróxeno, pero en disolución será ácido cianhídrico.

	Nomenclatura de sustitución	Nomenclatura de composición		Nome en disolución acuosa
HF	Fluorano	Fluoruro de hidróxeno	HF_(aq)	Ácido fluorhídrico
HCl	Clorano	Cloruro de hidróxeno	HCl_(aq)	Ácido clorhídrico
HBr	Bromano	Bromuro de hidróxeno	HBr_(aq)	Ácido bromhídrico
HI	Iodano	Ioduro de hidróxeno	HI_(aq)	Ácido iodhídrico
H₂S	Sulfano	Sulfuro de dihidróxeno	H₂S_(aq)	Ácido sulfhídrico
H₂Se	Selano	Selenuro de dihidróxeno	H₂Se_(aq)	Ácido selenhídrico
H₂Te	Telano	Telururo de dihidróxeno	H₂Te_(aq)	Ácido telurhídrico
HCN		Cianuro de hidróxeno	HCN_(aq)	Ácido cianhídrico

Exercicios

En Fórmulas tes un exercicio para escribir os nomes destas substancias e comprobar os resultados. Tamén tes a solución do exercicio.

En Nomes tes un exercicio para escribir as fórmulas destas substancias e comprobar os resultados. As fórmulas as tes que introducir sen subíndices, por exemplo auga = H2O. Tamén tes a solución do exercicio.

Se te foi útil esta web, agradezo que a des a coñecer ás túas amizades, ou ao teu alumnado.
Tamén agradecería que puxeras un enlace a esta web dende a páxina do teu Centro. Gracias pola túa colaboración.

Esta obra está baixo unha Licencia Creative Commons Atribución-CompartirIgual 3.0 Unported

WWW.ALONSOFORMULA.COM
Formulación Inorgánica	Formulación Orgánica
Formulación Inorgánica	Formulación Orgánica
Formulació Inorgánica	Formulació Orgánica
Ezorganikoaren Formulazioa	Nomenclature of Inorganic Q.
Física y Química de ESO	Física e Química de ESO
FQ de 1º de Bachillerato	FQ de 1º de Bacharelato
Química de 2º de Bachillerato	Prácticas de Química