|
    
En química cando falamos de modelos moleculares
non estamos pensando precisamente nos e nas profesionais da pasarela. Os
modelos moleculares son representacións tridimensionais das moléculas que nos
acercan máis ás estructuras reais das mesmas que as representacións escritas
das fórmulas.
Para que vexas como son as moléculas orgánicas e que
estructuras teñen recorre as anteriores galerías de fotos, que ademais están
en 3D. Poderás disfrutar dunha visión estereoscópica das mesmas. Para poder
experimentar a visión estereoscópica non precisas de ningún aparato, só dos
teus extraordinarios ollos e seguir as seguintes instruccións:
Ponte centrado de fronte ás fotos. Debaixo de cada foto tes
un nome dun composto, cruza a vista lentamente,
verás que aparecen catro nomes, as dúas palabras do centro iranse
fundindo nunha a medida que sigas cruzando a vista, nese momento alza
lentamente a vista e observarás unha foto en 3D. Se o consegues estarás
dicindo "¡que pasada!".
Anque pode ser que non o consigas
á primeira, nin á segunda, nin á terceira. Sígueo intentando xa que o máis difícil é velas á primeira
vez, logo o ollo acostúmase e xa é máis fácil, ten paciencia. Tamén pode
axudarche colocar o índice entre a pantalla e os ollos, máis preto dos ollos
que da pantalla. Se miras para o dedo o que está detrás aparecerá cruzado sen
esforzo. Busca a distancia axeitada do dedo que che permita ver a foto 3D
enfocada.
Non debes forzar a vista, se a visión non che resulta
relaxada déixao.
¡A disfrutar coas moléculas!
Por certo, tamén podes tentar de reproducir estes modelos
moleculares con axuda de boliñas de plastilina de varias cores e palillos de
dentes.
|
